“నిజాయితీకి నిలువుటద్దం – చిత్తూరు జిల్లా పోలీస్ అధికారి Mandli Anil Kumar SI Success Story”

“నిజాయితీ అంటే దృఢ సంకల్పం… క్రమశిక్షణ అంటే జీవన విధానం… ప్రజల సేవే నిజమైన పోలీస్ కర్తవ్యము.” ఈ మాటలు కేవలం నినాదాలు కాదు, తన జీవితంలో అక్షరాలా ఆచరిస్తున్న ఒక ధైర్యవంతుడి కథ ఇది. ఆయనే చిత్తూరు జిల్లా స్పెషల్ బ్రాంచ్ సబ్‌ఇన్స్పెక్టర్ మండ్లి అనిల్ కుమార్. ఇది ఒక Honest police officer stories Andhra Pradesh లో భాగం.

విక్రమార్కుడు ప్రభావం – కలల ప్రారంభం

పదవ తరగతిలో విక్రమార్కుడు సినిమా చూసిన క్షణమే ఆయన మనసులో ఒక అగ్నికణం రగిలింది.
సినిమాలో హీరోగా కనిపించిన పోలీస్ క్యారెక్టర్‌కి ఉన్న ధైర్యం, న్యాయం కోసం చేసే పోరాటం, సమాజానికి భయంలేని రక్షకుడిగా నిలిచే వైఖరి – ఇవన్నీ ఆయన మనసును బలంగా తాకాయి.
ఆ రోజు ఒక నిర్ణయం తీసుకున్నాడు:

“నేను కూడా నిజాయితీ గల పోలీస్ అవ్వాలి… నేరస్థులను శిక్షించాలి, నిర్దోషులను కాపాడాలి.”

సాధారణ కుటుంబం నుంచి అసాధారణ ప్రయాణం

ఎనిమిదో తరగతి నుంచి పదవ తరగతి వరకు వెనుకబడిన తరగతుల గురుకుల పాఠశాలలో చదువుకున్నాడు. ఇంటర్ కూడా RDT సహకారంతోనే ఫ్రీ సీటుతో పూర్తి చేశారు. తర్వాత బీటెక్‌లోనూ అదే సహకారం కొనసాగింది. . ఇంటర్ చదివేటప్పుడు తన తండ్రి కూడా ఒకప్పుడు పోలీస్ అవ్వాలని కోరుకున్నాడు కానీ ఆ కల నెరవేరలేదని తెలుసుకున్నాడు. దాన్ని తప్పక నెరవేర్చాలని నిర్ణయించుకున్నాడు. బీటెక్ పూర్తి అయిన తర్వాత సెంట్రల్ గవర్నమెంట్‌లో కొన్ని ఉద్యోగాలు వచ్చాయి – రైల్వే, పోస్ట్ ఆఫీస్ – కానీ వాటన్నింటినీ వదిలేసి ఒక్క కలకే కట్టుబడ్డాడు పోలీస్ అవ్వడం.

వృత్తిలో నిజాయితీ – లంచానికి తలవంచని అధికారి

SI అయ్యాక మొదటగా తాను చేసిన వాగ్దానం ఏమిటంటే:

• “నా చేతిలోని కర్ర నిర్దోషిని తాకకూడదు.”
• “నా జేబులో ఒక్క రూపాయి లంచం చేరకూడదు.”

ఒక పోలీస్ స్టేషన్ నడపడానికి కావాల్సిన స్టేషనరీ ఖర్చు కూడా అడిగే బదులు తన జేబులోంచి పెట్టి, తర్వాత రీయింబర్స్మెంట్ తీసుకున్నాడు.

స్టేషన్‌లో సాధారణంగా చదువులేని వారు కంప్లైంట్ రాయించుకోవడానికి బయట వాళ్లకి ₹100–₹200 వరకు చెల్లించాల్సి వచ్చేది. కానీ అనిల్ కుమార్ భావన వేరేలా ఉంది –

“₹100 కూడా సామాన్యుడికి చాలా ముఖ్యం. పోలీసులు ఉన్నది ప్రజల సేవ కోసం, భారంగా మారడానికి కాదు.”

అందుకే ఆయన స్టేషన్‌లోనే ఒక కానిస్టేబుల్‌ను ప్రత్యేకంగా రైటర్‌గా నియమించారు. ఇకపై ఎవరూ ఒక్క రూపాయి కూడా ఖర్చు పెట్టకుండా, ఎవరికైనా సులభంగా కంప్లైంట్ రాయించుకునే అవకాశం కల్పించారు.

ఈ మార్పు వల్ల పేదరికంలో ఉన్నవాళ్లకే కాదు, ప్రతి ఒక్కరికి పోలీస్ స్టేషన్ అనేది నిజమైన “ న్యాయం కోసం ఆశ్రయం” అనే నమ్మకం ఏర్పడింది.

మైనర్ బాలిక కేసు – ఒత్తిడిలోనూ నిజం కోసం పోరాటం

2023లో జరిగిన మైనర్ బాలిక మరణం కేసు దేశవ్యాప్తంగా సంచలనం సృష్టించింది.
సోషల్ మీడియాలో, రాజకీయ వర్గాల్లో, ఇక్కడివరకు పోలీస్ డిపార్ట్మెంట్ లోపల కూడా – ఆ బాలికను నలుగురు యువకులు రేప్ చేసి హత్య చేశారని ఆరోపణలు వెల్లువెత్తాయి.

అనిల్ మీద కూడా తీవ్ర ఒత్తిడి వచ్చింది –
“నలుగురిని దోషులుగా నిర్ధారించు” అని.

అయినా ఆయన తలవంచలేదు. ఎటువంటి ప్రలోభాలకు లొంగలేదు.
కఠినమైన దర్యాప్తుతో ఆ నలుగురు నిర్దోషులని నిరూపించాడు. నిజానికి ఆ బాలిక మరణం, తల్లి తో జరిగిన కుటుంబ వివాదం కారణంగా జరిగిన ఆత్మహత్య అని బయటపెట్టాడు.

ఇది ఆయన ధైర్యానికి, నిజాయితీకి, న్యాయం పట్ల కట్టుబాటుకి గొప్ప ఉదాహరణ.

 అద్భుతమైన కేసులు – న్యాయానికి అంకితం

• కర్ణాటక పోలీసులు ఆరు సంవత్సరాలుగా వెతుకుతున్న గ్యాంగ్ లీడర్ ను చిత్తూరు రాబరీ కేసు విషయంలో  పట్టుకొని కర్ణాటక పోలీసుల ప్రశంసలు పొందారు.
• ATM చోరీ కేసులో టెక్నికల్ స్కిల్స్‌తో దొంగల గ్యాంగ్‌ను పట్టుకొని DGP మెడల్ అందుకున్నారు.

అనిల్ కుమార్ పోలీస్ కెరీర్‌లో ఎన్నో సవాళ్లు ఎదుర్కొన్నారు. వాటిలో కొన్ని ఆయన నిజాయితీకి నిదర్శనంగా నిలిచిపోయాయి.

కోల్కతా సైబర్ క్రైమ్ గ్యాంగ్ కేసు – చిత్తూరు జిల్లాలో పెద్ద ఎత్తున మోసాలు చేసిన ఒక గ్యాంగ్‌ను పట్టుకొని, స్వయంగా కోల్కతా వెళ్లి అరెస్ట్ చేసి తీసుకువచ్చారు. ఆ సమయంలో ఆ గ్యాంగ్ సభ్యులు ఆయనకు ఒక షాకింగ్ ఆఫర్ చేశారు.